1 week ago
4
ଇଣ୍ଡିଆନ ପ୍ରିମିୟର ଲିଗ୍ରେ ପ୍ରତିଟି ଡଟ ବଲ ପିଛା BCCI କେତେ ଗଛ ଲଗାଏ? ବର୍ତ୍ତମାନ ସୁଦ୍ଧା ସମ୍ପୂର୍ଣ୍ଣ IPL 2026 ସିଜିନ୍ରେ କେତେ ଗଛ ଲଗାଯାଇ ସାରିଲାଣି?
BCCI Dot Ball Green Initiative IPL: ଇଣ୍ଡିଆନ ପ୍ରିମିୟର ଲିଗ ମ୍ୟାଚ୍ଗୁଡ଼ିକରେ ପ୍ରାୟତଃ ଆପଣ ଦେଖିଥିବେ ଯେ ଡଟ ବଲ ହେବା ମାତ୍ରେ ଏକ ସବୁଜ ଗଛ ପ୍ରଦର୍ଶିତ ହୁଏ । ଏହି ସବୁଜ ଗଛର ଅର୍ଥ କ’ଣ ଏବଂ IPL ସହିତ ଏହାର ସମ୍ପର୍କ କ’ଣ? ପ୍ରକୃତରେ, ଟାଟା ଗ୍ରୁପ୍ ସହିତ ମିଶି BCCI ଏକ ସବୁଜ ଅଭିଯା ଆରମ୍ଭ କରିଥିଲା । ୨୦୨୩ ମସିହାରେ ଏହି ପଦକ୍ଷେପ ଆରମ୍ଭ ହୋଇଥିଲା, ଯେଉଁଥିରେ ଆଇପିଏଲ ମ୍ୟାଚ୍ରେ ପଡ଼ୁଥିବା ପ୍ରତିଟି ଡଟ ବଲ ପାଇଁ ୧୯ଟି ଗଛ ଲଗାଯିବାର ବ୍ୟବସ୍ଥା ଥିଲା । ତେବେ ପ୍ଲେ-ଅଫ ମ୍ୟାଚ ପାଇଁ ଗଛର ସଂଖ୍ୟା ବୃଦ୍ଧି ପାଇ ୫୦୦ ହୋଇଥାଏ । ଅର୍ଥାତ ପ୍ଲେ-ଅଫ ମ୍ୟାଚ୍ରେ ପ୍ରତି ଡଟ ବଲ ପାଇଁ BCCI ୫୦୦ଟି ଗଛ ଲଗାଇଥାଏ ।
ଆଇପିଏଲ ମ୍ୟାଚ୍ରେ ଯେତେବେଳେ ବି କୌଣସି ଡଟ ବଲ ପଡ଼େ, ସେଥିପାଇଁ ୧୯ଟି ଗଛ ଲଗାଯାଏ । ସୂଚନା ଅନୁଯାୟୀ, IPL 2026 ରେ ବର୍ତ୍ତମାନ ସୁଦ୍ଧା ଏହି ଅଭିଯାନ ଅଧୀନରେ ୬ ଲକ୍ଷ ଗଛ ଲଗାଯାଇ ସାରିଲାଣି । ମନେକରନ୍ତୁ, ଯଦି ଏକ ଆଇପିଏଲ ମ୍ୟାଚ୍ର ଦୁଇଟି ଯାକ ଇନିଂସ ମିଶାଇ ୫୦ଟି ଡଟ ବଲ ପଡ଼େ, ତେବେ ସେଥିପାଇଁ ୯୫୦ଟି ଗଛ ଲଗାଯିବ ।
ବୋଲରମାନଙ୍କ କଥା କହିଲେ, IPL 2026 ରେ କେବଳ ମହମ୍ମଦ ସିରାଜ ହିଁ ୧୦୯ଟି ଡଟ ବଲ ପକାଇ ସାରିଛନ୍ତି । ସେହିପରି ଜୋଫ୍ରା ଆର୍ଚ୍ଚର ଏବଂ କାଗିସୋ ରବାଡା ମଧ୍ୟ ଏହି ସିଜିନ୍ରେ ୧୦୦ରୁ ଅଧିକ ଡଟ ବଲ ପକାଇଛନ୍ତି । ଏହାର ଅର୍ଥ ହେଉଛି, କେବଳ ଏହି ତିନିଜଣ ବୋଲର ଏ ପର୍ଯ୍ୟନ୍ତ ସମ୍ପୂର୍ଣ୍ଣ ସିଜିନ୍ରେ ୬,୦୦୦ରୁ ଅଧିକ ଗଛ ଲଗାଯିବାର କାରଣ ସାଜିଛନ୍ତି । ମହମ୍ମଦ ଶାମି ଏବଂ ଅଂଶୁଲ କମ୍ବୋଜ ମଧ୍ୟ ଏହି ସିଜିନ୍ରେ ଅନେକ ଡଟ ବଲ ପକାଇଛନ୍ତି ।
ଗୋଟିଏ ଆଇପିଏଲ ସିଜିନ୍ରେ ସବୁଠାରୁ ଅଧିକ ଡଟ ବଲ ପକାଇବାର ରେକର୍ଡ ଡେଲ ଷ୍ଟେନ୍ଙ୍କ ନାମରେ ରହିଛି । ସେ ୨୦୧୩ ସିଜିନ୍ରେ ସନରାଇଜର୍ସ ହାଇଦ୍ରାବାଦ ପାଇଁ ଖେଳି ୨୧୧ଟି ଡଟ ବଲ ପକାଇଥିଲେ । କିନ୍ତୁ ସେହି ସମୟରେ BCCI ର ଏହି ସବୁଜ ବିପ୍ଳବ ଆରମ୍ଭ ହୋଇନଥିଲା । ସାଧାରଣତଃ ଏକ ସିଜିନ୍ରେ ୩୦୦୦-୫୦୦୦ ଡଟ ବଲ ପଡ଼ିଥାଏ । ସେହି ଆଧାରରେ BCCI ପ୍ରତି ସିଜିନ୍ରେ ଲକ୍ଷ ଲକ୍ଷ ଗଛ ଲଗାଇ ସାରା ବିଶ୍ୱର ଲୋକଙ୍କୁ ସବୁଜ ବିପ୍ଳବ ସହିତ ଯୋଡ଼ି ହେବା ପାଇଁ ପ୍ରେରଣା ଦେଉଛି ।