2 weeks ago
2
ଏଥିରେ ଲୋକେ ନିଜର ସମସ୍ୟା ଜଣାଇବା ସହ ୧୩୨ ପ୍ରକାର ସରକାରୀ ଅନଲାଇନ୍ ସେବାର ସୁବିଧା ନେଇପାରିବେ । ଯଦି ନିର୍ଦ୍ଦିଷ୍ଟ ସମୟରେ ସେବା ନ ମିଳେ ତେବେ ଦାୟୀ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବେ ରାଜ୍ୟ ସରକାର ।
ଆଉ ସରକାରୀ ଅଫିସ ଯିବାକୁ ପଡ଼ିବନି କି ଜନସେବା କେନ୍ଦ୍ରକୁ ବି ନୁହଁ । ହ୍ବାଟସଆପରେ ଗୋଟିଏ ମେସେଜ କରି ଆବେଦନ କରି ପାଇପାରିବେ ବାର୍ଥ ସାଟିଫିକେଟଠୁ ଆରମ୍ଭ କରି କାଷ୍ଟ ଆଉ ଇନକମ ସାର୍ଟିଫିକେଟ । କାହାକୁ ହାତ ଗୁଞ୍ଜା ଟଙ୍କାଟେ ବି ଦେବାକୁ ପଡ଼ିବନି। ଆଉ ନିର୍ଦ୍ଧାରିତ ସମୟରେ ପାଇ ପାରିବେ ସେବା । ସେଥିପାଇଁ ଆମ ସାଥି ୟୁନିଫାଏଡ ହ୍ବାଟସପ୍ ଚାଟ୍ ବଟ୍ ର ଲୋକାର୍ପଣ କରିଛନ୍ତି ମୁଖ୍ୟ ଶାସନ ସଚିବ । 9437292000 ନମ୍ବରରେ ଆମ ସାଥି ହ୍ବାଟସଆପ୍ ଚାଟ ବଟରେ ଗୋଟିଏ ମେସେଜ ଦେଲେ ହୋଇଯିବ ଆବେଦନ ।
ବଡ କଥା ହେଲା ଏହି ଚାଟ୍ ବଟରେ ଆବେଦନ କରିଥିବା ସେବା ଯଦି ନିର୍ଦ୍ଦିଷ୍ଟ ସମୟ ସୀମା ଭିତରେ ନମିଳେ ତାହେଲେ ଦାୟୀ ଅଧିକାରୀଙ୍କ ବିରୋଧରେ କାର୍ଯ୍ୟନୁଷ୍ଠାନ ମଧ୍ୟ ନେବେ ସରକାର ।ଏହି ହ୍ବାଟସଆପ ଚାଟ ବାଟରେ କୌଣସି ସେବା ପାଇଁ ଜଣେ ଆବେଦନ କରି ଟ୍ରାକ ମଧ୍ୟ କରି ପାରିବ, ଆବେଦନର ସ୍ଥିତି କଣ । କେଉଁଠି ଅଟକିଛି ତାହା ମଧ୍ୟ ଜାଣିପାରିବ। ବିଳମ୍ବ ହେଉଥିଲେ ତାର କାରଣ ମଧ୍ୟ ଜାଣିପାରିବ ।
ନଜର ପକାନ୍ତୁ ଏହି ହ୍ବାଟସଅପ ଚାଟ୍ ବଟ୍ ଜରିଆରେ କିଭଳି ଆବେଦନ କରିବେ ଆଉ କେଉଁ ସେବା ପାଇ ପାରିବେ । ବ୍ଲକ, ତହସିଲ ଏବଂ ବିଏମସି କାର୍ଯ୍ୟଳୟର ବିଭିନ୍ନ ସେବା ସହ ସରକାରଙ୍କ ୧୩୨ ପ୍ରକାର ଅନଲାଇନ ସେବା ଏବେ ଉପଲବ୍ଧି ଅଛି । ଇନକମ, କାଷ୍ଟ ଆଉ ରେସିଡେନ୍ସ certificate. ଜମି କିଣାବିକା ବାବଦ ସମସ୍ତ ସେବା ସହ ଜନ୍ମ ମୃତ୍ୟୁ, ଆଇନଗତ ଉତ୍ତରାଧିକାରୀ, ବାସସ୍ଥାନ ଏବଂ ଆୟ ପ୍ରମାଣପତ୍ର, ଡ୍ରାଇଭିଂ ଲାଇସେନ୍ସ, ଫର୍ଟିଲାଇଜର ଲାଇସେନ୍ସ, ଆନ୍ତଃ ଜାତି ବିବାହରୁ ଲାଭ, ଜାତୀୟ ପରିବାର ଯୋଜନାରୁ ଲାଭ ଭଳି ବହୁ ସୁବିଧା ସହଜରେ ପାଇପାରିବେ ।
ପ୍ରଥମେ ଏହି ନମ୍ବରରେ ହ୍ବାଟସ୍ଆପ ଜରିଆରେ ମେସେଜ କରିବାକୁ ହେବ । ତାପରେ ନିଜ ବାବଦରେ ସମସ୍ତ ତଥ୍ୟ ଦେବେ. ପରେ ବିଭିନ୍ନ ବିଭାଗର ଯେଉଁ ସେବା ଆବଶ୍ୟକ ସେଥିରେ କ୍ଲିକ କରି ଆବେଦନ କରି ପାରିବେ ।
ସବୁଠୁ ବଡ କଥା ହେଲା ଯୁଜର୍ସ ଫି ମଧ୍ୟ କେବଳ ହ୍ବାଟସଟ୍ସଆପ ପେ ଜରିଆରେ କରିହେବ । ଏହି ଚାଟ ବଟରେ ଓଡ଼ିଆରେ ମେସେଜ କରି ଆବେଦନ କରିହେବ । ଏମିତି ନ ଲେଖି ମଧ୍ୟ ଜଣେ ମୌଖିକ ଆଦେଶରେ ଆବେଦନ କରିପାରିବେ ।